|
ХIинцца Гуьмса-гIали юкъахь воккха стаг вара массо машенна куьг лоьцуш. Геннара цуьнах бIаьрг кхетча, аса сацам бира иза дIавига. Тхойшиъ вовшашна вевзаш а нисделира.
- Йовхачу дийнахь хIун гIуллакх нисделла хьан гIалахь? – хаьттира аса, хьал-де хиъначул тIехьа.
- Сибрех вигарна луш цхьа коммунальни олуш ахча дара суна, далар сацийнера, бахьана хIун дуй хьажа веанера.
- ХIун хилла боха?
- ЧIогIа оьзда, гIиллакхе кегийраш бу вайн – цхьана йоIа ша бахьана лехна, дIанисдийра ду аьлла, цIа хьажий со, дукха ца латтош… 84 шо ма ду сан… хьалха санна иэс дац, могашалла яц…
- Хьан хенахь хIоккхал могашалла хилар доккха хIума ду… Дала латта йойла хьуна.
- Дела реза хуьлда. Да-нана долш дуй хьан? – хаьттара воккхачу стага.
- ХIа-хIа – нана кхелхина I5 хуьлуш ду, да кхелхина I3 шо хилла.
Ойлане велира сан накъост… эххар:
- Да дага ца вогIу сунна… нана… нена тхо кхоъ вара, цуьнан когашка дуьйшара тхо Сибрех. Цхьана Iуьйранна, шел делла, сама девлира……….. елла хиллера тхан нана…….
Воккха стаг вист ца хуьлаш хьевелча, и волчухьа дIахьаьжара со … - кIайн йоца можана тIехула охьауьдуш даккхийн бIаьрхиш гира сунна…
| 